Ginakabaeak-an makarun ro posibleng magiging epekto sa isla it Boracay bangud sa pagsueod it covid-19 delta variant sa Western Visayas.
Raya hay kaangot sa pagtumod it kaso it delta variant sa mag-asawa sa Pandan, Antique ag pagkumpirma man it sambilog nga kaso it delta variant sa Iloilo makarun nga adlaw.
Posible segun nga magtuga raya it negative impact sa mga turistang gustong magbakasyun sa isla it Boracay.
Sa makarun hay sigidas ro pag-aeabutan it mga turista sa isla kung siin, nakalista eon raya makarun it 30,791 tourist arrivals mula July 1 to 26, 2021. / ANN DESLENE SALAZAR
