LEGAZPI CITY – Generally peaceful an nagin pagselebrar asin pagsabat kan Bicol Region sa Bagong
Taon segun sa Philippine National Police (PNP) Bicol.
Basado ini sa saindang monitoring asin maigot sa preparasyon sa seguridad nganing mamantenir an pase orden.
Kasarabay sa saindang inisyatibo an pagkumpiskar sa mga improvised canon o boga, kun sain 562 an saindang nakua, kaiba an 90 pidaso nin 5-star.
Mientrastanto, 31 katawo man an naputukan sa rehiyon, kun sain 10 digdi an biktima nin boga, 10 man sa 5-star, 2 sa giant whistle bomb, 2 sa kwitis, 1 sa piccolo asin 8 sa manlaen-laeng kategorya siring kan fountains, sprinklers, asin recycled pulbura.
Nakapagrehistro man nin sarong kaso nin illegal discharge of firearms na pinag-imbweltuhan nin sarong AFP personnel.
Mientrastanto, tinawan-duon kan ahensya, wara ki nairehistrong untoward incident sa rehiyon kawsa kan ligaw na bala.
