CAMARINES NORTE – Umarangkada na rin ang pagpaparehistro sa mga bangkang pangisda sa bayan ng Mercedes, Camarines Norte na mas mababa sa 3.0 gross tons kasabay ng ginagawa ngayong Business One Stop Shop.
Ayon sa Municipal Information Office ang mga requirements para sa registration ng bagong bangka ay Fisherfolk Registration of Boat Owner (FishR), BoatR na may admeasurement.
Ang Schedule ng Admeasurement ay mula alas 10 ng umaga at alas 3 ng hapon sa Pandawan Fish port.
Kabilang din sa mga itinatakdang requirements ng Municipal Agriculture Office ay ang Registry System for Basic Sector in Agriculture (RSBSA) registration at serial number ng Marine engine.
Ang BoatR ay isang national program ng Department of Agriculture sa pamamagitan ng Bureau of Fisheries and Aquatic Resources (BFAR) para sa Registration ng mga Municipal Fishing Vessels and Gears.
Naglalayon itong pabilisin at kumpletuhin ang nationwide registration ng mga municpal fishing vessels na may capacity na 3 gross tonnage pababa alinsunod sa Executive Order no. 305 s. of 2004 at section 19 ng Fisheries Code of 1998.
Sa ilalim ng BOATR program gagamitin ng ahensiya ang ad measurement mobile application na magpa-facilitate sa registration ng data para ma-compute ang registration breadth, lalim at haba.
