GIKALIPAY sa usa sa mga sabongero sa dakbayan ang pagpaundang ni Pangulong Rodrigo Duterte sa Online Sabong o E-sabong sa nasud tungod kay usa nalang nga sabongan ang adtoan o gallera nga gitugotan sa usa ka lugar.
Segon ni Dodong Pad o mas nailhan nga Dodong Sabong nga gibati niini ang kaluoy sa mga nahitumpawak sa sugal nga online sabong.
Saysay pa niini nga kadtong mga nanginabuhi nga sama sa mga driver nga naadik sa online sabong ang makadiretso na og pamasada ug dili na magyampungad sa talpakan.
Saysay pa niini nga posibleng ikalipay sa pamilya ang pagpaundang sa maong sabong sa online tungod kay dili ikalilong matud pa nga ubay ubay gyud nga pamilya nga ang termino nga gigamit niini nga nagka because-because tungod kay bisan gani og sa CR mahimo gihapon nga makapanugal gamit ang cellphone online.
Gihingusgan niini nga mas labing maayo ang traditional nga sabong kay dili permanente. I Danny Casi
