GIKUMPIRMA ni Gensan City DILG Director Relimen Sandoval nga ilang ipa-revisit ang tax ordinance sa barangay sa siyudad nga taas og singil sa ilang filing fee sa lupon.
Segon niini nga base sa Local Government Code ang filing anaa lang sa P20 ang singlon ugaling may taxing power ang barangay sa pagmugna og ordinansa alang sa buhis.
Hinuon gipaklaro niini nga magadepende usab sa kon unsa nga bayranan ang ilang ginapabayaran ug magadepende sa konsultasyn ngadto sa katawhan.
Samtang gihingusgan niini nga kinahanglan dili sukwahi ngadto sa national nga balaod maong tinoon nila sa barangay ug kon dunay kasaypanan ipa-revisit ang gipanday nga ordinansa.
Nasayran nga sa Brgy. San Isidro mitakda og pagbayad og P500 alang sa filing fee ug P700 alang certificate to file action.
Apan gibutyag ni Kapitan “Jefrox” Yumang nga human sa maong reklamo, hisgutan sa barangay council ang pag-amiendar asa may public consultation nga buhaton, kung ibalik sa dati o bawasan og gamay ang kantidad sa bayrunon.
Kahinumdoman nga namugna ang maong ordinansa kaniadtong 2020 ug napatuman niadtong Desyembre 2021 nga nagtumong usab nga madugangan ang revenue sa barangay. I Danny Casi
