Gisiguro sa Land Transportation Franchising and Regulatory Board o LTFRB XI nga matuman sa mga public ultility vehicles kon PUV dinhi sa Davao City ang 70 percent capacity.
Sumala kang LTFRB XI Regional Director Nonito Llanos III, walay undang ang ginapahigayong operasyon kada adlaw aron disiplinahon ang mga driver nga musunod sa IATF guidelines ilabi na karong panahona nga gipaubos sa alert level 3 ang Davao City hangtud Enero 31, 2022.
Moabot na usab matud pa sa 50 ka drayber sa mga PUJ, SUV, van, taxi ug bus ang nasita sa enforcement team gumikan sa overloading, colorum, no front panel route painted ug uban pang kasaypanan.
Gawas niini, padayon usab ang kampanya sa ahensya sa pagpatuman sa 7 commandment sa pampublikong transportasyon sama sa pagsoot pg face mask sa mga pasahero, gidili ang pagtawag sa celphone, pagkaon sulod sa puv, pagpabiling ventilated ang sakyanan, matag-karon ug unya nga disinfection, pagbawal sa pagpasakay sa mga dunay sintomas ug pagsunod sa physical distancing.
