Giabuso sa New People’s Army (NPA) ang duha ka menor de edad human nila gihimong child warrior batok sa estado sa Pilipinas.
Kini nunot sa pagsurender sa duha ka 17 anyos nga combatants sa Guerilla Front 16 sa North Eastern Mindanao Regional Committee (NEMRC) sa tropa sa 30th Infantry Battalion (30IB) didto sa Gigacuit sa Agusan del Sur.
Sumala kang EastMinCom commander Lt. Gen. Greg Almerol, tataw nga paglapas sa International Humanitarian Law ang gibuhat sa mga rebelde.
Hinoon nakig-alayon na karon ang tropa sa militar sa Social Welfare and Development Office sa maong lugar alang sa kaluwasan sa duha ka menor-de-edad.
Gipasalig usab ni Almerol nga magpadayon ang gipakusgan nga operasyon sa militar sa mga kabukiran aron puuhon ang nahibiling mga myembro sa NPA. BNFM-DAVAO
