LEGAZPI CITY – Pinag-orolayan na an pagpapakarhay kan operasyon kan mga ospital sa probinsya kan Albay sa paagi nin sarong emergency meeting.
An pagtiripon, pinangenotan ni Provincial Information Officer asin Concurrent Provincial Administrator na si Atty. Marylou Duka-Castillo, kaibahan an mga hospital heads asin administrative officers sa irarom kan gobyerno-probinsyal kasuhapon.
Pigtukar sa pag-orolay an pagpapagayon kan serbisyo kan mga ospital sa probinsya sa paagi kan pag-lobby kan mga isyung pigkakahampang kan mga ini sa urualdaw.
Mientrastanto, binisto man sa nasambit na pag-orolay an nagdadakol na best practices asin mga akomplisimento sa iba pang ospital sa bilog na probinsya.
