Gituohan nga dugay nang giplanohan sa mga suspek ang pagpang-ransak sa usa ka establisyemento sa Puan ning syudad.
Gikanayon ni PMAJ Rosario Aguilar, Station Commander sa Talomo Police Station nga posibleng giplanohan pag-ayo sa mga wala pa matinong ihap sa mga suspek ang ilang himoon nga krimin.
Nagsibli sumala pang entrance sa mga kawatan ang manhole nga anaa duol sa groserihan.
Nakig-alayon na sab sa ubang istasyon sa kapulisan sa Davao Region ang Talomo PNP basin og dunay susama niining panghitabo kanila.
Panawagan na lamang ni PMAJ Aguilar sa mga nanimuyo duol sa area nga og dunay namatikdan nga mga tao nga bag-o ra nilang nakita unya human sa nahitabo nawala na kini, mamahimong mureport gilayon sa kapulisan.
Dakong tabang ang mahatag nga imposrasyon gikan sa kasikbit nga mga establishment, labi pa ang makuha nga kopya sa CCTV.
Dugang pa ni PMAJ Aguilar nga duna na silay gitutokan nga mga personahe apan kinahanglan nga mapanganlan ug manawngan kini aron nga mapasakahan og kaso.
Wala sab silay makuha nga kopya sa CCTV sa maong establishemento gumikan kalakip nga gitangag sa mga kawatan ang hard driver sa maong tindahan.
Dili pa sab masulti sa opisyal kung taga-Davao baa ng mihimo sa pagpangransak.
Kahinumdoman nga dakong kantidad sa kwarta ang natangag sa mga kawatan diin sa inisyal nga ihap anaa sa PHP 400,000.
Kasamtangan, mas gipalawman pa sa kapulisan ang gihimong imbetigasyon kalabotan sa panghitabo.
