HIMAS rehas ang usa ka negosyante human nga nadakpan atol sa gikasang drug buy bust operation sa mga personahe sa Mandug Police Station kagahapong adlawa, Agosto 31, 2023 atbang sa Marquela Bldg, Tigatto-Mandug Road, Davao City.
Ang dinakpan gikonsiderang top 2 high value individual City Level nga nailang si Ronilo Aballe Sumalo alias LOY, 29 anyos, nga taga- Sitio lawis Brgy Lizada Toril ning syudad.
Aktong napalitan sa nagpaka-aron ingnong pulis ang suspek og usa ka gramo sa gituohang shabu, samtang lain pang nakuha sa posisyon niini ang duh aka gramo, usa ka unit sa .38 revolver nga dunay upat ka buhing bala.
Kinatibuk-an nikantidad ang maong iligal nga droga og kapin kon kulang Php 54, 000.00.
Gikustodiya na sa Mandug Police Station, samtang gihikay na ang kasong kalapasan sa RA 9165, RA10591 ug RA 9516 ang maong dinakpan.
