Gihingusgan sa buhatan sa departamento sa agrikultura ang seguridad sa pagkaon pinaagi sa pagpananum sa mga tulunghaan ug pananum.
Ang Department of Agriculture – Caraga bag-uhay lamang nag-apud apod sa kinatibuk-ang siyete-sientos beinte dos(722) ka mga hydroponics growing boxes ug siyete-sientos desi-otso(718) ka sets sa hydroponics solution sa mga piniling Schools Divisions ug Municipal/City Agriculture Offices sa rehiyon.
Sa kabahinan usab sa Schools Divisions ug Municipal/City Agriculture Offices, sila na ang mu-identify ug mutarget sa mga recipient nga makadawat sa growing boxes ug solusyon.
Ang interbensyon ilawom sa National Urban and Peri-Urban Agriculture naglaraw nga madasig ang mga tawo nga magtanom arun adunay kakuhaan sa pagkaon sa ilang nataran.
Sa interbensyon nga giapud-apod adtong milabayng adlaw, namahimong recepients ang Schools Divisions sa Tandag, Surigao del Sur, Bayugan, Agusan del Sur, ug Siargao Island, lakip ang City/Municipal Agriculture Offices sa Tandag, San Francisco, Agusan del Sur, Bislig, Butuan, ug Dapa, Surigao del Norte.
