KALIBO, AKLAN—Iga-apela it Aklan Provincial Government sa National Inter-Agency Task Force nga ipabilin anay sa general community quarantine (GCQ) do quarantine classification it probinsya hasta sa Hulyo 31,2021.
Raya hay matapos inanunsyo nga do Aklan kaibahan do Bacolod City, Antique atg Capiz hay igapaidaeom sa MECQ umpisa sa Hulyo 16-31,2021 bangud sa padayon nga pag-abo it kaso it coronavirus disease apisar nga hugot do ginpatuman nga health protocols.
Nasayuran nga do iba pang lugar sa Western Visayas nga ginrekomenda nga ipaidaeom sa man sa enhanced community quarantine (ECQ) hay do Iloilo City ag Iloilo Province samtang GCQ sa Guimaras ag Negros Occidental.
Nauna eon nga ginpahayag it Regional Task Force Against COVID-19 nga owa pa sanda it nabaton nga bisan notice ukon communication maghalin sa IATF kaangot sa bag-ong quarantine classification. // SHERRY ANNE REUNIR-VIDAL
