DILI supak ang pipila ka katawhan nga nahinabi sa 89.5 Brigada News FM Gensan sa endorsement sa partidong PDP nga padaganon sa pagka-bise president si Pangulong Rodrigo Duterte.
Sumala kay Roger Flores gikan sa Barangay Calumpang dili daw siya supak niana kay kon mao gayod ang ilang plano.
Gidugang ni Flores nga sa iyang panglantaw kaya ni Duterte nga magpadayon sa iyang serbisyo gikan sa pagkapangulo ngadto sa ikaduhang pangulo kon gusto sa mga tawo.
Usa sa rason ni Flores nga wala pa mahuman ang kampanya sa Pangulo batok sa gidili nga druga mao nga angay kini ipadayon.
Sumala usab kay Abela, usa ka legislative staff angay gayod daw suportahan ang Pangulo kay gikan kini sa Mindanao.
Nakadayeg daw kini sa proyekto nga Build, Build, Build kay kinahanglan gayod ang mga dalan, tulay ug uban pa nga proyekto.
Kon si Duterte daw ang mahimong besi presidente magpadayon ang kalamboan sa Mindanao, samtang sa pangutana kon kaya sa Pangulo, sa iyang tan-aw kaya kay nakaya man gani ang pagkapangulo. ( Ever Diazon)
