GIKUMPIRMA sa market supervisor sa merkado publiko nga aduna nay pondo alang sa repair sa atop sa Phase B Public Market.
Sa impormasyon nga gihatag ni Market Supervisor Lito Esclamado adunay silay na-request nga pondo nga P12 million pesos, tungaon ang pondo, ang katunga alang sa repair sa atop unya ang laing P6 million alang sa atop sa isdaan.
Gidugang ni Esclamado nga dili mahimo nga dunganon ang pag-repair sa atop kay walay kapasilungan ang mga nagatinda sa sulod nga bahin.
Posible matud pa nga karong tuiga mapatuman na ang mao nga proyekto kon mahuman na sa bidding process.
Kahibaloan nga usa sa ginatudlo sa taga merkado ang problema sa tulo nga atop sa palengke. I Ver Diazon
