GIPROKLAMAR na sa City Comelec Office sa GenSan ang bag-ong mayor, bise mayor, 12 ka mga konsehal ug ang representante sa GenSan, Martes sa buntag Mayo 10 sa Sangguniang Panlungsod.
Si ex-officio kagawad Lorelei Pacquiao ang midaog sa mayoral race sa boto nga 104,244 votes.
Sa pagkabise mayor, si kagawad Rosalita Nuñez nga nakakuha og
90,403 votes samtang si vice mayor Atty. Loreto ‘Tonton’ Acharon ang nakakuha og 114,532 votes ang giproklamar isip lone district representative sa GenSan.
Ang bag-ong mga konsehal nga maglangkob sa 20th Sangguniang Panlungsod mao silang Dr. Odjok Acharon nga may 124,726 votes, Atty. Jose Edmar Yumang adunay 98,616 votes, Atty. Dominador Lagare, Jr. sa 96,680 votes, Lulu Casabuena- 93,623 votes, Vandyke Congson- 92,440 votes, Elizabeth Bagonoc-90,465 votes, Richard Atendido- 86,692 votes, Jonathan Blando- 84,391 votes, Atty. Kan Balleque-84,162 votes, Virgie Llido-82,963 votes, Jane Rivera -82,214 votes ug Edgar Acharon nga may 81,767 votes.
