Kinondena ni Vice President Sara Duterte ang pagsisilbi ng warrant kay Pastor Apollo Quiboloy at sa mga akusado nito sa Kingdom of Jesus Christ sa Davao City.
Tinawag ni Duterte ang operasyon ng Philippine National Police na ‘abuse of power’ at paglabag sa constitutional rights.
Bagama’t hindi niya tinututulan ang anumang legal na pagpapatupad ng mga warrant of arrest, hindi aniya katanggap-tanggap ang paggamit ng karahasan laban sa ilang sibilyan at miyembro ng KOJC.
Sa ngayon, isang 51-taong-gulang na miyembro ng KOJC ang namatay matapos atakehin sa puso, habang may 18 pang iba ang nagsabing sila ay nasugatan.
