Hindi na papayagan ng Commission on Elections ang mga kandidato na lumipat sa ibang political party na kanilang kaalyado para maging substitute candidate ngayong lipas na ang October 8 deadline para sa filing ng COC.
Ipinaliwanag ni Comelec Spokesperson James Jimenez na kailangan pa kasi ng kandidato na i-withdraw ang certificate of nomination and acceptance (CONA) na inisyal nitong inihain sa ilalim ng iiwanan nitong partido para makalipat.
Dagdag niya, hindi na ito pwede ngayon dahil tapos na ang filing ng certificate of candidacy.
Inihayag ito ng Comelec sa gitna ng mga spekulasyon na papalitan ni Davao City Mayor Sara Duterte-Carpio si Dela Rosa bilang presidential candidate ng Cusi wing faction ng PDP-Laban.
