LEGAZPI CITY – Iminungkahi ni Senate Majority Leader Sen. Francis Tolentino sa Commission on Higher Education (CHED) ang pagkakaroon ng Coast Guard Auxiliary Training sa mga institusyon upang maprotektahan ang water territory sa bansa.
Ayon sa Senador, sa ganitong paraan, mapapalakas ang kapasidad ng mga tauhan ng PCG, kung saan kinakailangan kilalanin muna ang reserve unit nito tulad ng army reserve, air force at navy reserve.
Aniya, tanging magagawa ay makipagtulungan at makipag-ugnayan sa CHED para makapagpalabas ng guidelines tungkol sa courses ng coast guard training.
Maliban pa rito, magkakaroon din ng pag-upgrad ng mga kagamitan para tuluyan nang mabigyan ng proteksyon ang ating bansa.
