LEGAZPI CITY – Pigsuhestyon kan Sangguniang Panlalawigan ng Albay (SPA) sa Albay Electric Cooperative (ALECO) na magkaigwa ki power agreement sa ibang power suppliers nganing mapababa an bayadan sa kuryente.
Segun kay Chairman Committee on Power and Energy Board Member Vic Ziga, Jr., ini makalihis na manutaran an halangkaw na power rate ngunyan na bulan nin Hunyo huli sa paglangkaw kan singil kan wholesale electricity spot market na nagin solamenteng supplier kan kooperatiba.
Dugang pa niya, dapat na may masunod na ining lakdang nganing dae na maulit pa an siring na sitwasyon sa masunod na bulan.
Sa ngunyan, pigkumpra ni Ziga an siring na stiwasyon sa ibang kooperatiba sa kataraid na probinsya na iyo an mas hababa huli ta may kakayanan an mga ining magkua sa ibang power supplier durante kan pagkakaugwa ki special power agreement.
