Tiniyak ng Philippine National Police na sisilipin ang posibleng partisipasyon ng ilang PNP members sa isyu ng mga nawawalang sabungero.
Ito ang binigyan diin ni PNP-Public Information Office chief Police Brig. Gen. Roderick Alba matapos na idawit ng ilang testigo sa ginanap na senate hearing ang ilang pulis kaugnay sa umano’y pagdukot sa ilang mga sabungero.
Ayon kay Alba beberipikahin ng PNP ang inilahad ng mga witness bilang bahagi ng due process.
Kumpiyansa naman ang heneral na lalabas din ang katotohanan sa usapin ng nawawalang mga sabungero.
Muli naman nagpaalala si Alba na mahigpit na ipinagbabawal sa mga miyembro ng PNP na pumasok sa anumang uri ng sugal.
