LEGAZPI CITY – Ginawaran ng Overseas Workers Welfare Administration (OWWA) Bicol ang dalawang Overseas Filipino Worker (OFWs) sa 2022 Marilag Awards Region V nitong Marso.
Tumanggap ng sampung libong piso bilang Regional Winner si Jocelyn Ibonia, habang tumanggap naman ng limang libong piso bilang OWWAnian Frontliner & Support Staff sa 2022 Marilag Awards Region V si Annie Abion para sa kanilang mga huwarang kontribusyon sa kani-kanilang larangan.
Ang Marilag Awards ay isang kaganapan na ginaganap upang kilalanin ang mga dakilang kontribusyon ng mga kababaihang OFW at OWWAnian.
Mayroon itong limang kategorya: Women Entrepreneur, Women Leader, Women Frontliner, Women in Migrant Advocacy, at OWWAnian Frontliner & Support Staff.
Si Jenny Villar, na ang sentro ng negosyo sa organic farming ay tumatanggap ng Women Entrepreneur Award, si Sherry Retumban na nakatalaga sa Covid Ward sa Bicol Regional Training & Teaching Hospital ay tumatanggap ng Women Frontliner Award, si Jocelyn Ibonia ay tumatanggap ng Women Leader at Women in Migrant Advocacy Awards habang si Annie Abion ay tumatanggap ng OWWAnian Frontliner & Support Staff Award.
Si Ms. Ibonia at Ms. Abion ang kakatawan sa Bicol Region sa darating na 2022 Marilag Awards National Level.
