CAMARINES SUR — Umarangkada na ang puspusang paghahanda ngayon ng lokal na gobierno at pulisya para sa nalalapit na Tiga-aw Festival sa Tigaon, Camarines Sur.
Ayon kay Police Captain Monica San Juan, ang officer in charge ng Tigaon Municipal Police Station, nitong nakaraang linggo ay isinagawa na ang inter-agency meeting patungkol sa mga gagawing hakbang para sa mga nalalapit na aktibidad. Tiniyak rin ng opisyal na mas paiigtingin pa ang pagbabantay bago at sa araw ng pagdiriwang upang maiwasan ang anumang aksidente o krimen.
Samantala, ngayong darating na Agosto 7 isasagawa naman ang opisyal na pagbubukas ng Tig-aw Festival kasabay ang iba’t-ibang programa at aktibidad.
