Subling gibarugan ni Mayor Inday Sara Duterte nga wala kini plano modagan pagka-presidente, kini ang pahayag sa alkalde human sa nahitabong mga panagpulong atol sa iyang pagbisita didto sa Cebu sukad niadtong Sabado.
Sa pahayag sa Mayor nga wala mahisguti ang Marcos-Duterte tandem atol sa pagkita nila ni Presidential Aspirant Bongbong Marcos apan ang natuki ang tabang nga ihatag sa HNP sa Davao Region sa kandidatura ni BBM sa pagka-presidente.
Luyo niini daghan ang nagduda nga posibleng ang alkalde ang mamahimong running mate ni BBM ug mahimong vice presidential candidate.
Kahibaluang pipila ka gatherings ug meeting ang gisalmotan sa Mayor didto sa Cebu sama sa pulongtali nilang Cebu Gov. Gwen Cargia, pag-attend sa birthday sa asawa ni House Majority Leader Martin Romualdez nga si Yedda kauban silang BBM ug Sen. Imee Marco, lakip ang pag-salmot sa opening sa pier sa Liloan kagahapong adlawa.
Nisalmot usab si Davao City Mayor Sara Duterte sa League of Municipalities of the Philippines-Cebu General Assembly kagahapon.
