Posibleng matagalan pa ang bago bumalik sa normal ang operasyon ng ilang mga airlines kasunod ng nangyaring global IT outage.
Ayon kay AirAsia spokesperson Steve Dailisan, na-restore nila noong Biyernes ng gabi ang check-in system ng AirAsia, pero nag-down ulit ito.
Dahil diyan, inaasahan na aniya ang ‘slowdown’ pagdating sa pag-recover ng system.
Naiulat naman na bagaman nagkakaroon ng progress sa pag-restore ng flight functionality, maaaring matagalan din ang pagbalik sa normal ng flight operation ng Cebu Pacific.
Samantala, hindi apektado ng outage ang Philippine Airlines, pero nagpapatuloy ang mga ito sa pag-monitor ng sitwasyon.
Kaninang umaga, nilinaw ng Manila International Airport Authority na ang flight distruption ay dahil sa airline check-in systems, at hindi ng problema sa Ninoy Aquino International Airport.
