WALA pa nagsugod ang pagbakuna sa mga naa sa priority group A4 o eligible workers sa GenSan. Matud ni Dr. Rochelle Oco, labaw sa City Health Office (CHO) ug incident commander sa Local- Inter Agency Task Group.
Wala pa’y pahimangno gikan sa Department of Health (DOH) alang kanila nga bakunahan na ang mga economic frontliners. Sa karon daghan pa sa mga senior citizens og may commorbidities ang wala pa nabakunahan hangtud karon.
Gawas kini sa limitado usab ang bakuna nga gihatag sa DOH alang sa dakbayan. Samtang padayon paglista sa mga Rural Health Unit sa buot mabakunahan aron isip pagpangandam sa vaccination rollout.
Una niini gibutyag sa DOH nga lauman nga muabot ang daghang bakuna sa nasud sa bulan sa Hulyo hangtud sa katapusan sa 2021. Tungod niini gilauman usab nga daghan ang madawat nga bakuna sa siyudad. ( Richel Gubalani)
