Nadanyos ang duha ka lawak saringan sa Oregon Integrated School sa Brgy.Oregon, Gov.Generoso Davao Oriental human sa nahitabong landslide kagahapon.
Ang pagdahili sa yuta resulta sa tibook adlaw nga pagdaot sa panahon nga mihatag sa kasarangan hangtud skusog nga pagbunak sa ulan sa dakong bahin sa Davao Region.
Gawas sa pagkadaot sa duha ka lawak sa maong eskwelahan gibaha usab ang pipila ka mga Baranggay sa maong Munisipalidad.
Samtang sa pagdahili usab sa yuta ang nasinati sa Barangay Badas duol sa view deck pasado ala una sa hapon hinungdan nakahatag og gamayng kalangan sa mga byahero apan dali sab dayon girespondihan sa mga hingtungdang buhatan ang landslide.
Kahibaluang ang lapad nga bahin sa Davao Region ang makasinati sa madag-umon nga kalangitan inubanan sa kasarangan hangtud sa kusog nga pagbundak sa ulan tungod sa Intertropical Convergence Zone o ITCZ nga nagaapekto sa tibuok Mindanao.
Tungod niini gipaigmat sa PAGASA ang tanang katawhan sa rehiyon onse sa posibleng mga pagbaha ug pagdahili sa yuta.
