Nanawagan karon ang Department of Environment and Natural Resources-XI pinaagi sa mga provincial offices niini nga isumbong gilayon ang mga kadudahang operasyon sa mga grupo nga nagpakunong konektado sa ahensya.
Kini nunot sa gihimong pagtanggal sa mga kawani sa ahensya sa gimuntar nga checkpoint sa utlanan sa Brgy. Melale, Laak, Davao de Oro ug Sitio Ferdinand, Loreto, Agusan del Sur human nasuta nga nagapangayo kini og bayad gikan sa mga sakyanan nga dunay kargang produkto gikan sa kalasangan sa kantidad P7,500.00
Ang maong checkpoint nga nigamit pa og logo sa DENR iligal sanglit wala kini pagtugot gikan sa PENRO Davao de Oro-CENRO Maco ug PENRO Agusan del Sur-CENRO Loreto busa
Sa pahayag sa DENR-XI, pahamtangan og tukmang aksyon ang mga tawo nga nagpaluyo sa maong checkpoint nga klarong nisupak sa mandato buhatan.
Samtang, gipasalig sa DENR Regions XI ug XIII ang pagpadayon sa hugtanong pagpatuman sa mga balaud sa kinaiyahan subay sa Joint Inter-Regional Task Force nga napirmahan niadtong April 12, 2021. BNFM-DAVAO
