SUGDAN na sa Land Transportation Office (LTO) sa rehiyon-12 ang pag-release driver’s license nga dunay 10-year validity sa Desyembre 1.
Matud ni Macario Gonzaga, director sa LTO-12 kasamtangan silang nagpahigayon og audit alang sa regional rollout sa bag-ong driver’s license nga dunay taas nga validity. Rason sa ilang pag-audit mao ang masuta ang kapasidad sa ilang buhatan aron mo-facilitate sa bag-ong validity.
Gihulat usab nila ang pinal nga order gikan sa central office apan dako og tyansa nga moabot kini sa Desyembre 1. Ilawom sa Republic Act 10930 sa gi-amendahan nga Land Transportation and Traffic Code ang naggunit lang sa propesyonal o non professional driver’s license nga wala nasupak sa Republic Act No. 4136 o traffic laws, rules and regulations” ang makaangkon sa taas nga validity sa lisensiya.
Gawas sa pagpasar sa eksaminasyon sa alang sa renewal sa lisensiya kinahanglang mopailawom sa aplikante nga mopailawom sa Comprehensive Driver’s Education (CDE) aron makakuha og sertipikasyon. ( Richel Gubalani)
