PATAY ang usa ka driver sa motorsiklo human nga nadisgrasya sa national highway nga sakop sa Barangay Fatima gabei sa adlaw nga Biyernes.
Subay sa talaan sa Traffic Management Unit ang disgrasya nahitabo sa Diversion Road tali sa motorsiklo ug sa nagabesiklita alas 5:50 sa kahapunon.
Ang nalambigit sa disgrasya usa ka Rusi nga motorsiklo ginamanihoan ni John Huinda, 23-anyos nga taga Purok Buan, Sinawal samtang ang besiklita gimanihoan ni Clemente Mencede Jr., 44-anyos, minyo nga taga Purok 18, Paglangan Village, Apopong.
Sa imbestigasyon nag-una ang nakabesiklita apan pag-abot sa atbang sa Sebal Clan property nabanggaan sa motor ang besiklita.
Ang resulta natumba silang duha apan gamay nga mga samad alang ang naangkon sa nagbesiklita samtang nagrabihan sa ulo ang driver sa motorsiklo.
Nadala sa Dr. Jorge P. Royeca Hospital si Huinda unya pagka kaadlawon sa Nobyembre 14 namatay kini sa tambalanan.
Managsama usab nga gikustodiya sa TMU ang mga sakyanan. (Ver Diazon)
