Ginkumpirma ni Shubi Hussain, sambilog ka kilaea nga nutritionist, entrepreneur ag weight loss expert nga ro luy-a hay manami para sa over-all health it sangka tawo.
Base kana, raya hay may antiseptic properties ag anti-oxidant compound nga nagatao it ginhawa sa nagahaeok nga tutunlan, may kakayahan man raya nga magpanami it pangtunaw, magpanaba it cholesterol level ag magpanami pa heart health.
Maliban pa dikara, ginapanaba man it luy-a ro aging process, Alzheimer disease, cancer ag iban pa nga mga lifestyle related diseases.
Makabulig man ro luy-a para mapadayon nga hydrated ro eawas ag ma-maintain ro manami nga figure.
Rason nga ano pa ro ginahueat niyo mga kabrigada, umpisahan eun ro pag-inom it Ginger water bangud base pa kay Hussain bukon eamang raya it epektibo nga sagang sa sakit kundi pampabata pa it face bangud sa angkon nga anti-aging properties it luy-a./JIL B. LACSON
