MAHIMONG sayron sa grupong Accord kung nasunod ang patakaran sa auction sale sa yuta nga 8.4 hectares.
Kini ang gibutyag ni Atty. Art Cloma nga nasayod nga ang maong luna ang napalit sa mga tawo sa tabang sa gobyerno apan nasubasta.
Gidugang ni Cloma nga rekisitos sa pagpahigayon og auction sale ang publication ug pagtawag og mga bidders.
Anaa matud pa sa City Housing ang titulo sa yuta nga napalit gikan sa DBP apan natingala nganong nahitabo nga nasubasta ang yuta nga kung hunahunaon mandato sa gobyerno ang paghatag og kapuy-an sa mga landless.
Gani gibutyag ni Cloma nga nakapasa og ordinansa ang konseho nga nagadeklara nga null and void ang pagbaligya sa maong luna, apan gi-veto kini sa mayor.
Napalit sa auction sale ang yuta sa kantidad nga P200-K apan napalit usab kini balik sa LGU.
Una nang gireklamo ni Dodong Villagonzalo, sa grupong Accord nga wala sila nakahibalo sa auction sale ug bisan sa 1 year nga redemption ug nagpatabang sa gobyerno nga ma-individualize ang titulo apan wala sila matud pa gitabangan.
Gibutyag usab sa City Housing nga sa bag-ong grupo nga natukod nga R-6 sila nakig-coordinate kalabot sa maong yuta, apan mahimo gihapon matud pang magpabilin ang grupo ni Villagonzalo basta mobayad sa ilang annual real property tax ug bayran sa tanang miyembro sa maong luna ang ilang capital gains tax nga mokabat na sa P20 million.
