Ro probinsiya it Iloilo hay may kapin sa 50,000 dose it mga COVID-19 vaccine nga nag-expire eun ag pa-expire pa eamang.
Kaeakip sa mga brand it mga bakuna nga nag-expire ag ma-expire pa eang hay ro Moderna ag Pfizer vaccine.
Base sa report it City Health Office (CHO), ro siyudad hay may 15,000 dose it Pfizer nga nag-expire ku nagtaliwan nga buean; 31,900 dose it Moderna nga nag-expire ku Hunyo 7; ag 3,936 Pfizer nga ma-expire sa Hunyo 30.
Base man sa nabaton nga report halin sa gobyerno probinsiyal it nasambitan nga lugar, pagabayluhan man raya it Inter-Agency Task Force for the Management of Emerging Infectious Diseases (IATF-MEID).
Sa pihak kara, ginkumbinse man it gobyerno lokal ro publiko nga magpaturok it bakuna kuntra sa COVID-19 pandemic./JIL B. LACSON