Nauli na sa mismong tag-iya ang sling bag nga nabilin sa usa ka kan-anan sa J.P Laurel avenue, Davao City sa milabay’ng mga adlaw nga dunay sulod nga salapi nga P97,000.00.
Sa eksklusibong pakighinabi sa Brigada kang Pmaj Marvin Hugos, Hepe sa Bajada Police Station, sigon niini nga nagkita kaganihang buntag ang tag-iya sa bag ug ang nakapunit sa nabilin nga bag nga mag live-in partner.
Dugang ni Hugos nga na-ilhan ug na locate gilayon matod pa ang pinuy-anan sa mag live partner pinaagi sa tabang sa CCTV footage sa nahisgutang kan-anan ingun man ang taxi nga gisakyan sa duruha.
Giklaro sab ni Hugos nga wala mauli dayon ang salapi gumikan gi-deposito matod kini sa bangko sa mag live in partner sa tumong nga dili mahilabtan ang maong salapi.
Hinuon dili interesado nga mupasaka og kaso ang tag-iya sa sling bag sanglit nauli na ang insakto nga kantidad sa salapi kanila.
