MOKABAT sa P7,000 ang natigom nga kantidad sa panawagan sa KaBrigadahan GenSan alang sa 9-anyos nga may rheumatic heart disease.
Sulod sa duha ka oras nga panawagan, alang sa tabang kay Marissa dela Cruz, 9 anyos nga taga purok Bactol, Mabuhay, gidungog sa mga miyembro ug dili miyembro.
Asoy ni Rizabeth Dela Cruz, 32-anyos inahan ni Marissa nga gamiton nila ang kwarta sa tambal sa anak ug nagapasalamat sa tanang mitabang tungod laing kinabuhi ang gisumpayan.
Nanawagan usab kini sa dili pa miyembro nga magpamiyembro tungod lagi gayud ang paminaw nga makatabang ngadto sa nanginahanglan.
Kahibaluan nga nag-inusarang gibuhi ni Rizabeth ang tulo ka anak pinaagi sa pagbaligya og barbeque ug kada adto sa palengke dalhon pa niini ang tulo ka anak, mao nga nagpasalamat kay natabangan.
