LEGAZPI CITY – Pigklaro kan Albay Provincial Social Welfare and Development Office (PSWDO) na lain man an P50,000 na kantidad nin cash incentives kan gobyerno probinsyal sa mga centenarian sa probinsya sa P100,000 cash incentives na itinatao kan national government.
Sa intrevista kan Brigada News FM Legazpi kay PSWDO head Maria Vivien Cea, sinabi niya na an itinatao kan gobyerno nasyonal, dinugangan kan gobyerno probinsyal, asin may nagkapira man na lokal na gobyerno sa probinsya na minadugang man digdi.
Segun saiya, nasa siyam na centenarians na sa Albay an natawanan ninda ki cash incentives magpuon pa kan Enero.
Sa ngunyan, may naka-schedule naman sindang duwang centenarian asin handa naman su boot an mga cheque.
