Nakumpiskar an ginbabana nga P340,000 kantidad hin shabu ha usa nga High Value Individual ha gindumara nga buy-bust Operation han mga operatiba ha Brgy. 88 San Jose Tacloban City.
Ginikilala an suspek nga hi alyas Marvin, 37-anyos, residente han Brgy. San Isidro, Palo, Leyte, kalakip ha listahan han High Value Individual han PNP ngan PDEA Priority Target List, Top 8 City Level.
Ginpangunahan an mao nga operasyon han mga tinaglawas han SOU 8, PNP DEG, PS 1 TCPO, PS 2 TCPO, Palo MPS ngan PDEA 8.
Nakumpiskar ha suspek an 50 kagramo han gintutuohan nga shabu nga nagkakantidad hin P340,000.
Dayon naman gin-aresto ngan ginsalawdan hin kaso an suspek ha pagtalapas ha RA 9165 o Comprehensive Dangerous Drugs Act of 2002.
