Magatao it pabuyang P25,000 si Kalibo Mayor Juris Bautista Sucro sa sin-uman nga makaturo sa mga suspek nga nagbuno-patay sa sangka babae sa Crossing Buswang St., Kalibo.
Sa report, ginkilaea ro biktimang si Marissa Flores 44yo ag nakita eon raya nga owa it kabuhi sa guwa it anang sari-sari store pasado alas 12 kaina it kaaganhun.
Ro biktima hay nag angkon it maabung nina sa eawas rasun it pagkamatay kara.
Ginapatihan nga nagsukoe pa ro biktima base man sa mga nina kara nga naangkon sa anang eawas.
Sa makarun hay nagapadayun pa ro imbestigasyun it mga otoridad sa ginasugid nga mga suspek nga nakasakay it motorsiklo ag madasig man nga nakatakas matapos ro kremin. // ANN DESLENE SALAZAR
