Gin kalipay it local nga pamunuan it Kalibo ru pondo nga naga-abot sa P22-M para sa playground renovation ag development it Pastrana Park halin kay USWAG Ilonggo Partylist Representative Cong. Jojo Ang.
Suno kay Kalibo Mayor Juris Sucro, ru dati nga pondo nga naga balor it P5-M eamang hay gin dugangan it kongresista para makaabot it P22M.
Mas nga gin panami-an pa gid ru playground bangud ru Kalibo hay kabisera it probinsya’t Aklan.
Naga-abot man sa P50-M nga pondo ru gin tao para sa airconditioned covered court maeapit sa play ground.
Sa pihak nga bahin, gin bugayan man it pondo ni USWAG Partylist representative Cong. Jojo Ang nga naga-abot sa P50-M para sa airconditioned ABL Sports and Cultural Complex sa Capitol Site, Kalibo.
Samtang, magiging recipient ru Batan ag Balete sa proyekto ru naga balor it P50-M nga pondo para sa airconditioned covered court sa Batan balete 50k project.//MARIVIC Y. ILIN
