CAMARINES SUR – Kasabay ng blessing at inauguration ceremony nitong linggo, opisyal nang binuksan sa bayan ng Tinambac, sa Partido Area ang Balay Silangan Formation Center, isang reformation program ng Philippine Drug Enforcement Agency (PDEA) na nagbibigay ng pansamantalang rehabilitation center sa mga taong nasangkot sa ilegal na droga upang makapagbagong-buhay.
Ayon kay Police Captain Marlon Lladoc, ang tagapagsalita ng PNP Camarines Sur, layon ng pasilidad na ito na makapagbigay ng reformation sa mga tinatawag nilang biktima rin ng ilegal na droga, sa pamamagitan ng pagbibigay ng kamalayan upang matuto sila ng ibang trabaho o gawain katuwang ang iba pang ahensya ng gobierno.
Samantala, nagpapatuloy naman ang panawagan at kampanya ng himpilan laban sa ilegal na droga at pagbibigay-diin na kabilang ang partisipasyon ng komunidad sa pagsugpo nito.
