Mokabat sa P2,195,000.00 ang kinatibuk-ang danyos sa natigayong sunog sa Rizal St.Brgy.38-D ning syudad sa Davao sa milabayng Sabado sa buntag.
Sa maong sunog, 12 ka pamilya ang apektado, tulo ka balay ang totally damage, usa ang partially damage, tulo ang slightly damage diin apektado ang duha ka sharer, tulo ka renter, pito ka boarder subay sa report sa City Social Welfare and Development Office kon CSWDO.
Gawas sa mga nawad-an og pinuy-anan usa ang casualty sa katauhan ni Engr. Rusy Gumela, 79-anyos samtang usa ang angol nga mao ang anak niini.
Ang CSWDO mitunol na g mga pasiunang tabang nga gilangkuban sa mga food packs, grocery items, banig, mosquito net, kitchen utensils , hygiene kit ug ban pang kagamitan.
Kalabot niini nanawagan usab si Brgy.38-D Kapitan Mila Arabis sa mga gustong modonar sa 12 ka pamilyang apektado nga mamahimong ihatod Brgy.Hall sa Brgy.38-D aron sila na ang mohatag niini sa mga biktima.
Sa pikas bahin gihaya na usab karon ang senior citizin sa iyang mga kabanay.BNFM-DAVAO
