Gin taeana it Department of Public Works and Highways (DPWH) ru pondo para sa railing af street lights sa Makato Diversion Road.
Sa interview it BRIGADA News FM Kalibo kay Mr. Ralp Maypa, Public Information Officer 1 it LGU-Makato, nagabalor it P114 million ru gin alokar it nasambit nga taeatapan.
Nalipay si Makato Mayor Ramon “Mon-mon” Legaspi, Jr. sa positibong response sa anang sueat sa DPWH matapos makomperma it DPWH6 ru nasambit nga alokasyon.
Sa amount it P200M nga allocation it DPWH, naga-abot sa P114M ru ginbutang sa Makato Diversion Road particular sa Brgy. Calangcang, Makato, Aklan.
Gin pasaeamatan ni Legaspi ru mga pumueoyo halin sa Calangcang, Barangay Poblacion ag mga SB Members sa kooperasyon.
Ru nasambit nga proyekto hay subject sa implementasyon ag gina hueat pa sa sueod it sang buean hasta daywan buean ag maga umpisa ru implementasyon.
Kun matandaan, abo eon ru naaksidente sa lugar dahil sa tuman ka delikado ag madueom nga aeagyan.//MARIVIC Y. ILIN
