Malipayon nga nakabaton sang tig-100,000 pesos nga insentibo gikan sa Department of Social Welfare and Development (DSWD) ang duha ka centenarian sa syudad sang Roxas.
Ini amo sanday Lola Margarita Losanta, sang Milibili kag Lola Angeles Embucado, sang Barangay Banica sining syudad.
Makita sa duha ka mga katigulangan nga mabakud pa sila kag pwede pa nila ma-enjoy ang insentibo nga nagakadapat gid sa ila.
Personal ang mga ini nga ginpadulongan sang DSWD kaupod si Vice Mayor Inday Teresa Almalbis kag City Councilor Jaime Altavas bilang representante ni Mayor Ronnie Dadivas.// KMD Gicalde
