NAGKANTIDAD sa kapin P11.6 milyon ang gigahin nga pondo sa Department of Health (DOH) 12 alang sa Insecticide Treated Screen (ITS) ug uban pa nga dengue control commodities sa mga piling tulonghaan sa probinsya sa Sarangani.
Matud ni Provincial Dengue Coordinator Federico Yadao kabahin kini sa suporta sa Dengue-Safe School program sa DOH-12 nga tumong nga protektahan ang mga kabataan batok sa maong sakit nga dala sa lamok.
Sumala niini nga anaa sa 743 ka mga ITS ang napang-apod- apod sa 300 ka mga tulonghaan sa Sarangani gikan sa elementarya, integrated schools, high schools, day care centers ug apil na niini ang madrassahs kon asa mukabat sa kapin 20,000 ka mga magtutungha ang nakabenipesyo niini. Dugang sa opisyal nga ang ITS ang usa screen diin nga luwas sa mga bata bisag magunitan pa kini.
Gibutyag ni Yadao nga ang maong mga kagamitan ang gibutang sa mga classroom nga sagad poy-an sa mga lamok nga diin kadaghan niini adunay dala nga sakit sa dengue. I Richel Gubalani
