Gin-aprubahan sang Provincial Development Council paagi sa isa ka meeting ang masobra P10.4 bilyones nga Annual Investment Program sang Capiz para sa tuig 2024 tubtob 2025 nga magahalin sa local fund kag external sources kasubong man sang Provincial Investment Program para sa tuig 2023-2024.
Ginpangunahan ni Governor Fredenil Castro ang nasambit nga pagtilipon kaupod ang mga alkalde kag representante sang mga kabanwahanan kasubong man sang mga NGOs kag Civil Society Groups.
Kalakip sa mga proyekto sa idalom sang Supplemental AIP sang Capiz sa tuig 2023 ang konstruksyon sang Multi-Purpose Hall sa Gabuan, Drainage sa Barangay 7, Day Care Center sa Loctugan, Covered Gym sa Libas kag pagpakamaayo sang kasubaan kag dalanon sa suydad sang Roxas.
