MALAUMON ang grupo sa Nagkakaisang Yellow Plate ricycle Driver Association nga madawat na nila una pa mahuman ning bulan sa Agosto ang ihatag kanila nga mga nagkadaiyang piyesa alang sa kalamboan sa ilang organisasyon.
Sigun ni Roberto Gallo nga pinaagi sa pakigtambayayong sa LGU Gensan nagapasalamat sila nga makadawat sa maong kantidad nga mga nagkadaiyang motor parts nga alang sa ilang grupo.
Una niini nga gitunol mismo sa maong ahensya ang Certificate of Availment pinaagi sa ginatawag nga DOLE Integrated Livelihood Program kon DILIP.
Dungan sa paghatag og livelihood nanghinaot nalang ang nahisgotan nga mahatagan na sila og prangkisa human nga naaprobahan na ang franchising guidelines sa ikatulo ug ulahing pagbasa.
Sa bahin ni Nicolas Ferrer ang hlabihan nga nalipay sa maong katikaran tungod kay maangkon na nila ang ilang gipangandoy nga alang sa ilang grupo.
Gipaklaro niini nga bisan og dili kwarta ang ilang madawat apan dakong tabang na ngadto kanila ang maong butang.
Dugang pa sa nahisgotan nga dakong opurtunidad ang maong hinabang gikan sa DOLE ug nanghinaot kini nga mapalambo ang maong negosyo nga alang sa ilang grupo. I Danny Casi
