WALAY problema alang sa mga principal ang pag baklas sa mga materyales sa sulod sa mga classrooms sa ilang mga tulunghaan.
Sumala sa Assistant Principal sa Fatima National High School nga si Arnel Antiporda ang mga materyales o desinyo nga wala kinahanglan ang dapat mabaklas o kaha itago sa mga magtutudlo aron nga luag ang mga classrooms.
Nagpatawag na daw og meeting ang ilang principal ug nasabotan na sa mga magtutudlo ang pagpatuman sa Executive Order Number 21.
Samtang sa bahin sa Principal sa Banisil National High School nga si Eddie Atay gikumperma niini nga magpatawag pa siya og tigom sa iyang mga kauban nga mga magtutudlo aron nga ang tanan makahatag ug sogyot sa angay nila nga buhaton.
Sa iyang personal nga opinyon gumikan sa mao nga kamandoan mawala na ang kompitisyon sa panindutay sa mga classrooms kay sa una naga gasto bisan ang mga magtutudlo sa ilang personal nga kwarta aron daghan ang dekorasyon sulod sa classroom. I Ver Diazon
