GISIGURO sa Overseas Workers Welfare Association (OWWA-12) ang ‘transparency’ sa ilang mga gastos. Kini dungan sa ‘flagged’ sa Commission on Audit (COA) sa OWWA Central Office sa pagpalit og mahal nga sanitary napkins sa hardware.
Matud ni Marilou Sumalinog, director sa OWWA-12 gisunod nila tanang rekisitos nga gimandu alang sa purchase og mga supplies hinungdan nga naglaom kini nga mahatagan og ‘highest’ audit rating sa COA ang regional office.
Kahibaloan nga migula nga nakita sa COA ang pagpalit sa OWWA og hygiene kits, napkins ug thermal scanners gikan sa MRCJP Construction and Trading sa Cornejo Street, Malibay, Barangay 161 Pasay City. Apan dihang giadtoan kini sa mga opisyal sa COA wala nakita ang maong hardware sa gihatag nga address.
Gikaingong ang napkin ang base sa nasuta sa COA naa sa P10 hangtud P30 matag usa ang presyo apan sagad mapalit kini sa tindahan sa kantidad nga P5 hangtud P8. ( Richel Gubalani)
