NAGHATAG pagpaklaro si Assistant City Administrator Voltaire Tiu kalabot sa isyu sa sugyot nga pondo alang sa Community Kitchen nga mokabat sa P20 million pesos nga naapil sa Supplemental Budget Number 3.
Sa pahayag ni Tiu adunay request nga naapil sa Supplemental Budget Number 3 nga P2.3 million pesos alang sa padayong operasyon sa Community Kitchen ug kabahin sa impormasyon nga may P7.5 million pesos nga bayrunon ang labaw sa General Services.
Gidugang ni Tiu nga sa iyang pagkasayod P7.5 million pesos lang ang gi- aprubahan sa unang pagdungog sa kometiba apan adunay kausaban ug na-aprubahan ang P20 million pesos nga sugyot.
Kalabot sa isyu sa bugas sumala ni Tiu nga niabot sa P400 million pesos ang gipalit sa syudad ug nahurot na mao nga nangayo sila og dugang pondo nga P20 million pesos sulod gihapon sa Supplemental Budget Number 3.
Kabahin usab sa isyu sa bayrunon sa mga hotel sumala ni Tiu nga bayrunon kini sa pag-atiman sa mga Locally Stranded Individuals kun LSI returning Overseas Filipino Workers, empleyado sa gobyerno nga nagpositibo sa COVID-19.
Ang kapin P11 million pambayad sa mga hotels sa ilang serbisyo sa miaging tuig apan sa iyang pagkasayod walay nakatambong sa dihang gihimo ang committee hearing aron unta makatubag sa mga pangutana sa gamitan sa mao nga pondo. ( Ever Diazon)
