ILOILO – Owa it eskwelahan sa probinsya it Iloilo ro kwalipikadong magpatigayun it face-to-face classes umpisa sa Nobyembre 15 para sa mga pampublikong eskwelahan ag Nobyembre 22 para sa mga pribadong eskwelahan, base sa Department of Education (DepEd) Schools Division of Iloilo.
Matandaan nga ro Schools Division it Iloilo hay nakapili eon it limang eskwelahan bilang pilot areas.
Kamana man, ginhambae it pamunuan it Schools Division of Iloilo nga ap-at ro na-classify bilang “moderate risk” para sa covid-19 samtang ro Granada National High School ro ginakabig nga “low risk” base sa assessment it local Inter-Agency Task Force ag concerned local government units (LGUs).
Ginhambae nga owa it eabot sa risk classification, ginakonsidera man ro numero it mga nabakunahang manugturo ag residente it komunidad kung siin makit-an ro mga eskwelahan. / ANN DESLENE SALAZAR
