NAGPAHINUMDOM ang Comelec-12 sa tanang botante sa taliabot nga eleksyon nga likayan ang pag-over vote sa mga kandidato tungod dili kini mabasa sa voter’s counting machine ug posibleng ma-invalid ang boto. Matud ni Atty. Jose Villanueva Regional Assistant Director sa Comelec-12 karon pa lang mopili na og mga kandidato nga maoy ibutar aron dili malangay sa adlaw sa piniliay.
Siguruhon nga dili mahuwagan ang balota ug timan-an ang precinct number.
Dugang pahinumdom niini nga kinahanglan dili molampas sa 37-degree centigrade ang body temperature bag-o musulod sa voting area ug sundon ang minimum health protocol magsuot og facemask, imintinar ang social distancing, magdala og kaugalingong ballpen ug tubig.
Alang sa mga senior citizen, PWD’s ug mga buntis, magdala og kauban nga mag-alalay aron dili maglisod panahon sa pagbutar sa taliabot nga eleksyon 2022. I Enamie Mogpon
